Un estudo apunta que a gripe aviaria H7N9 podería emerxer como unha pandemia.

A segunda epidemia do virus H7N9, que causou máis de cen mortes entre os humanos, diversificouse a través dos mercados de aves vivas de China, polo que se non se aplican medidas de control eficaces o H7N9 podería estenderse por outras rexións.

O segundo brote da gripe aviaria H7N9 en China podería ter o potencial de emerxer como unha cepa pandémica a menos que se establezan as medidas de control necesarias.

A segunda onda de brote do H7N9, que comezou a finais de 2013, traduciuse en máis de 310 contaxios entre humanos e máis de 100 mortos, o que supón máis do dobre que durante o primeiro brote.

O equipo de investigadores estudou a evolución e a propagación do H7N9 para entender como rexurdiu o virus, como se podería desenvolver e como podería ameazar á saúde pública.

Ata o momento a gripe aviaria H7N9 soamente está en China, non obstante, se deixamos que continúe desenvolvéndose, podería estenderse mais alá do país.

Transplantan as tres primeiras 'mans biónicas' do mundo.

Tres homes de nacionalidade austríaca convertéronse nos primeiros no mundo en someterse a unha nova técnica chamada 'reconstrución biónica', que lles permite utilizar unha prótese de man robótica controlada pola súa mente. Os tres sufrían dende hai moitos anos lesións que limitaban a función da súa man como resultado de diferentes accidentes.

A nova técnica, desenvolvida polo profesor Oskar Aszmann, da Universidade Médica de Viena (Austria), xunto cos enxeñeiros da Universidade do Centro Médico Goettingen, combina mecanismos selectivos de transferencia nerviosa e muscular, unha amputación selectiva da man e a súa substitución por unha prótese robótica avanzada (usando sensores que responden aos impulsos eléctricos nos músculos). Os investigadores aseguran que despois dunha rehabilitación integral, a técnica restaurou a función da man nos tres pacientes, permitíndolles realizar as súas actividades diarias.

O tratamento produciuse en dúas etapas; primeiro, os investigadores identificaron e crearon sinais electromiográficas útiles para o control da prótese e, a continuación, amputouse a man ou o toco para substituílo cunha prótese mecatrónica.

Tres meses despois da amputación, as próteses robóticas implantadas permitiron nos tres casos unha mellora substancial no movemento das súas mans, unha mellor calidade de vida e unha redución da dor. Por primeira vez dende o seu accidente foron capaces de levar a cabo diversas tarefas cotiás, como recoller unha pelota, servir auga dunha xerra, usar unha chave para abrir un fecho, cortar os alimentos cun coitelo ou abrochar ou desabrochar botóns coas dúas mans.

¿Cómo inflúen os xenes no éxito deportivo?

No mundo do deporte, non é casualidade encontrar casos irmáns que obteñen éxito no deporte. Paul e Marc Gasol en baloncesto,Marc e Álex Marquez en motociclismo, as irmás Williams no tenis... son irmáns que compaten unha similar carga xenética que os capacita para un deporte en concreto.

Segundo un estudo realizado polo doutor José Calabuig, especialista do Departamento de Cardioloxía da Clínica Universidade de Navarra, non é que o deportista elixa un deporte ou outro, senón que «é o deporte quen lles está a elixir a el por estar xeneticamente condicionado e ben provisto para poder realizar ese deporte».

Aquí vos deixo un video onde o douor José Calabuig nos explica detalladamente isto: http://www.abc.es/videos-abcsalud/20150309/genetica-deporte-4101175282001.html

Investigadores da Universidade de Jaén descubren dous xenes que protexen contra o VIH.

 No seu estudo, publicado na revista Genes and Immunity, os expertos detectaron que as variantes xenéticas C4BPA e CR2 protexen contra a infección por VIH. Para chegar a estas conclusións, os investigadores analizaron o xenoma de individuos expostos a prácticas de risco durante anos, en concreto, heroinómanos que non se infectaron a pesar de ter condutas de alto risco.

Os investigadores intentaban responder á pregunta de que protexía estas persoas da enfermidade a pesar de expoñerse durante anos a prácticas de risco. Para iso, analizaron o seu xenoma centrándose nun grupo de xenes que consideraban relacionados co efecto protector.

O investigador explica que, aínda que esa batería de xenes é común a todos os xenomas, hai persoas que teñen unha variante que funciona de forma distinta.

Aínda que esa batería de xenes é común a todos os xenomas, hai persoas que teñen unha variante que funciona de forma distinta

A novidade do estudo esta na detección de ambas as dúas variantes de xenes, que os investigadores extraeron da análise do xenoma dunha mostra de 450 pacientes expostos a VIH por vía sanguínea.

Ademais, os científicos trasladaron os seus resultados obtidos en Andalucía a Italia, onde en colaboración coa Universidade de Milán. O CR2, tamén está presente noutro grupo de mulleres de risco: parellas de infectados por VIH que non presentan a enfermidade.

Os investigadores explican as posibles implicacións terapéuticas do descubrimento destas áreas do xenoma con efecto protector. Desta forma, os expertos destacan que estes elementos do xenoma poderían considerarse un factor para agrupar os pacientes en función das súas características xenéticas de cara a mellorar a efectividade futura dos tratamentos.

Médicos australianos conectan o primeiro páncreas artificial a un neno de catro anos.

Un neno australiano de catro anos é a primeira persoa á que se lle colocou unha bomba de insulina de última xeración, que se diferencia das que hai no mercado en que ademais de avisar dunha inminente hipoglicemia, predí cales serán os niveis de glicosa da seguinte media hora. A comercialización dos aparatos non comezará ata o mes de maio.

Xavier Hames vive en Perth, na costa occidental de Australia e aos seus catro anos xa vive pendente dos niveis de insulina. A vantaxe do modelo que leva Xavier é dobre: por unha parte, inclúe un sensor que mide constantemente os niveis de glicosa, e así cando o seu azucre baixa moito, avisa dunha posible hipoglicemia, algo que xa facía o modelo inmediatamente anterior de bomba; a gran novidade é que o sistema inclúe un aparello que calcula o que vai pasar nos próximos trinta minutos, e se no intermedio se recuperan os niveis, a máquina volve corrixir a deriva e inxecta insulina para estabilizar a Xavier. Isto é moi importante, porque os pacientes que sofren moitas hipoglicemias acaban perdendo a capacidade de reacción previa, o seu corpo non se defende contra o baixón de glicosa e nin sequera os avisa. Se con estas bombas se evitan os episodios, é máis doado que o paciente manteña ese mecanismo de protección natural.

A enfermidade do verme de Guinea case erradicada.

Con soamente 126 casos en todo o mundo, a enfermidade do verme de Guinea xa está case erradicada, asegurou hoxe o expresidente de Estados Unidos Jimmy Carter. Carter inaugurou hoxe a exposición Countdown to Zero no Museo de Historia Natural de Nova York, unha mostra que relata os avances nos últimos anos para eliminar a dracunculosis ou a enfermidade do verme de Guinea, que sufrían 3,5 millóns de persoas, fai só tres décadas.

Segundo Carter, a enfermidade do verme de Guinea podería chegar a desaparecer da terra en dous ou tres anos se os voluntarios e traballadores da fundación poden traballar especialmente en Sudán do Sur e en Mali, onde existen a maioría de casos actuais e cuxos conflitos ameazan a campaña contra a infección.

O doutor Frank O. Richards, un dos expertos do Carter Center, explicou que o verme de Guinea é un tipo de parasito que vive na auga e se transmite a partir da inxestión da auga contaminada, de maneira que un verme dun metro de longo crece nas pernas dos enfermos e impídelles camiñar.

En 2014 soamente quedaban 30 poboados enfermos (todos en África) que sufrían esta enfermidade, que en 1991 afectaba a 23.735 municipios.

A taxa de fertilidade española é a segunda máis baixa de toda Europa.

España mantense dende hai máis de dúas décadas entre os Estados europeos coas cifras máis baixas en 1990 con 1,36 fillos por muller, era o mínimo do continente xunto a Italia. Aínda baixou máis en 2000, cando caeu ata 1,23, de novo a máis reducida do continente, antes de elevarse a 1,37 unha década máis tarde.

Dáse a circunstancia de que hai catro décadas, irónicamente, España tiña unhas taxasde fertilidade entre as máis elevadas. En 1970 era de 2,90 fillos por muller, que entón só superaba Irlanda (3,87) e igualaba a Romanía entre os actuais membros da UE .

A razón desa evolución, xunto ao descenso da fertilidade, é o envellecemento da poboación, cun 17,4% dos habitantes de 65 ou máis anos en 2012, superior á media da UE (17%).
Os Estados máis envellecidos son Alemaña (21% de maiores de 65 anos), Italia (20,8%), Grecia (19,7%), Portugal (19%), Suecia (18,8%) e Letonia (18,6%).

A taxa de fertilidade española, con 1,32 fillos por muller en idade fértil, é despois da polaca (1,30) a máis baixa de toda Europa, por debaixo de Grecia, Hungría e Eslovaquia (1,34), segundo cifras do 2012, o último ano con datos comparables, indicou hoxe a OCDE.